उदगीर (लातूर) : हणमंतवाडी (देवर्जन) ता. उदगीर येथील तीन चिमुकले गावालगत असलेल्या पाझर तलावात पोहण्यासाठी गेले असता दोघांचा तलावातील गाळात बुडून दुर्दैवी मृत्यू झाल्याची घटना गुरुवारी (ता.२) सकाळी अकराच्या सुमारास घडली आहे.

पालकमंत्र्यांपासून अल्पभूधारक शेतकरी ठेवले चार हात दूर, कृषी विभागावर शेतकरी संतापले  
 

याबाबत उदगीर ग्रामीण पोलिस सूत्रांकडून मिळालेली अधिक माहिती अशी की, हणमंतवाडी (देवर्जन) ता. उदगीर येथे गावालगत पाझर तलाव आहे. नुकत्याच झालेल्या पावसामुळे तलाव भरला आहे. या तलावातील गाळ काढण्यात आल्यामुळे जागो जागी खड्डे सुद्धा पडले होते. म्हशी चारण्यासाठी या भागात दररोज अनेक लहान मुले ही जात असतात. मात्र गुरुवारी हनमंतवाडी येथील इंद्रजीत अंतेश्वर माचोळे (वय-१२), गोविंद बोयणे (वय१२) व नागेश बळीराम माचोळे (वय१४) हे पोहण्यासाठी सकाळी अकराच्या सुमारास तलावात गेले.

धक्कादायक..! औरंगाबाद प्राणिसंग्रहालयात तब्बल पाच वाघांचा मृत्यू, वाचा सविस्तर..!

तलावात पोहत असताना यातील दोघे गाळात अडकले. तर नागेश माचोळे हा बाहेर येण्यात यशस्वी ठरला. त्याचे दोन मित्र दिसत नसल्याने तो घाबरून गावात पळत येऊन त्या ग्रामस्थांना सांगितला. ग्रामस्थानी तलाकडे जाऊन पाहिले असता ते दोघेही तलावात असल्याचे लक्षात आले. तातडीने त्यांचा शोध घेऊन दोघांना बाहेर काढले व तात्काळ देवर्जन प्राथमिक आरोग्य केंद्रात आणुन दाखल केले.

सावंगीत कब्रस्तानाच्या कडेला आढळली शिवपिंड; गावकऱ्यांनी हा घेतला निर्णय..!  

प्राथमिक आरोग्य केंद्रातील वैद्यकीय अधिकाऱ्यांनी इंद्रजित माचोळे याचा मृत्यू झाल्याचे सांगितले तर गोविंद बोयणे याच्यावर प्राथमिक उपचार करुन उदगीरला हलविले. मात्र उदगीरच्या सामान्य रुग्णालयात जाईपर्यंत त्याचाही मृत्यू झाला होता अशी माहिती देवर्जन बीट जमादार किशन शेळके यांनी दिली आहे.

घरातल्या घरात तपासणीकडे वाढला कल, आरोग्याबाबत लातूरकर जागरूक   

देवर्जन हनमंतवाडीत शोककळा...

दोन चिमुकल्यांचा पाझर तलावात बुडून मृत्यू झाल्याने देवर्जन हनुमंतवाडी या दोन गावात शोककळा पसरली आहे. या घटनेची माहिती कळताच बीट जमादार श्री शेळके यांनी तात्काळ घटनास्थळाला भेट देऊन पाहणी केली व आकस्मित मृत्यू नोंद करण्याची प्रक्रिया सुरू असल्याचे सांगितले.